తెలుగు లోగిళ్ళు
కొత్త అల్లుళ్ల సందడి
బావమరదళ్ల సయ్యాటలు
ధాన్య రాసులు ఇల్లు చేరగా
అన్నదాత కళ్ళలో ఆనందం
ముంగిట ముత్యాల ముగ్గులు
కన్నెపిల్లల గొబ్బెమ్మ పాటలు
భోగిమంటల వెలుగులో
నులి వెచ్చని కొత్త సెగలు
గుమగుమలాడే పిండివంటలు
భోగి పళ్ళు , బొమ్మల కొలువులు
బసవన్న ఆటలు, హరిదాసు కీర్తనలు
కోడి పందాలు, గాలిపటాల పల్టీలు
కనుమరోజు పశువులకు పూజలు
వీటి కలబోతనే సరదాల సంక్రాంతి
నేడు వీటికి ఆమడ దూరం
మనసులో భయం భయం
సామాజిక సంబంధాలు కరువు
మూతికి బట్ట, భౌతిక దూరం
మాటిమాటికి చేతులు శుభ్రం
ఇవి పాటిస్తేనే జీవితం భద్రం
లేదంటే శాశ్వత మాయం
పేర్లు మారుతున్న మహమ్మారిని
ధైర్యంతో ఎదుర్కొని పారదోలుతూ
సరదాల సంక్రాంతికి స్వాగతిద్దాం
పత్తెం వసంత, కరీంనగర్, 7780392055