హేమంతహేల

మనసంత నిండుగ

మూడు రోజుల పండుగ

ముచ్చటైన పండుగ

కన్నులకు ఇంపుగ

హేమంత వేళ

పుష్యమాస ఉత్తరాయణం‌లో

మయూఖుడి మకరరాశి

ప్రవేశంతో వచ్చు పర్వం

ముత్యాల ముగ్గులు

రత్నాల రంగులు

ముంగిట మురియగ

భోగిమంటల  వెచ్చదనంలో

బాలలకు భోగిపళ్లు పోయగ

హాయి గొలుపు భానుడి

కొంగొత్త కాంతి, సంక్రాంతి

సకల జనులకు క్రాంతి

పచ్చని పైరు,పాడిపంటలతో

పశు పూజే మలి

పండుగ  కనుమగ

అలరారించు నిండుగ

నోములు నోతురు కొందురు

ఆహ్వానితులు ముత్తైదువ లందరు

వాయినాల వైనం

ఎంతో వైభవం

ప్రతి ఇంట జోరు

హరిదాసు కీర్తనల హోరు

గంగిరెద్దుల ప్రత్యక్షం

పిల్లల కెంతో ప్రత్యేకం

రంగుల పతంగులు

వినువీధి విహారం

అందరికెంతో ఆహ్లాదం

ప్రతిఇంట పాలపొంగు

ధాన్య సిరికి సూచిక

చెరుకు గడల తియ్యదనం

ప్రేమైక్య జీవనానికి సంకేతిక

కుటుంబ సభ్యుల కలయిక

ధనుర్మాస దండగ

ప్రకృతిలో పండుగ

సంక్రాంతి పండుగ

సంధ్య సుత్రావె, సుల్తాన్ షాహి, హైదరాబాద్