ఉత్తరాయణం మహాపుణ్యకాలం
సందడేసందడి అంతట కోలాహలం
తరతరాల ఆచారం సత్సాంప్రదాయం
తిరుప్పావై భక్తిపారవశ్య మాసం
గోదారంగనాధుల కల్యాణవైభోగం…
అందంగా అలంకరించిన లోగిళ్ళు
గుమ్మంకి వేలాడే బంగరుబంతులు
భగభగమనే భాగ్యాలనిచ్చే భోగభాగ్యాలు
రంగురంగుల ముద్దొచ్చే రంగవల్లులు
ముచ్చటగా కొలువుతీరిన గొబ్బెమ్మలు ….
పాటలతో అలరించే బసవన్నచిందులు
హరిలోరంగ హరి హరిదాసులు
చిన్నారులకి పోసేరు భోగిపళ్ళు
సంస్కృతిని తలపించే బొమ్మలకొలువులు
కొత్తఅల్లుళ్ళరాకతో సందడులు
పల్లెల్లో కనువిందుచేసే కనుమందాలు
ఇంటికిచేరే బంగారు ధాన్యపుసిరులు
కోడిపుంజుల ఎడ్లపందాల పోటీలు
గాలిలో స్వేఛ్ఛగా ఎగిరే పతంగులు
తియ్యదనాల మూడురోజుల సంకురాత్రి…..
యామిని కోళ్ళూరు