ధాన్యపు సిరులు ముంగిట్లో
అనురాగ పంటలు కుటుంబంలో
రంగురంగుల ముగ్గులతో
వాకిళ్లు అలరారు
ముద్దబంతులు శిరసున ధరించి
గొబ్బెమ్మల సోయగాలు
హరిదాసుల కీర్తనలు వీనుల విందు
గోమాత దర్శనం కనులకు అపురూపం
పట్టు పరికిణీలతో పసిపిల్లల చిందులు
కొత్త దుస్తులతో కళకళలాడుతూ పెద్దలు
పిండి వంటలతో వంటిల్లు ముస్తాబు
చలోక్తులతో భోజనశాల నిండుగా రక్తసంబంధీకుల కలయిక అబ్బురం
అనుబంధాల కేరింతల సవ్వడి అద్భుతం
బంధాల వెల్లువలో ప్రయాణం
సంక్రాంతి పండుగ తెచ్చేను ఆనందాల హేళి
యలమర్తి అనూరాధ, హైదరాబాద్ 9247260206