ఒకప్పుడు ప్రేమ
ఉన్నతం,త్యాగం
ఇప్పుడు ప్రేమ
పగ,ద్వేషం
యాసిడ్ దాడులు, కత్తిపోట్లు
విఫలప్రేమికుల బహుమతులు.
సినిమాలు, పార్కులు
పబ్ లు,గిఫ్టులు
ఖరీదైన కానుకలు
ప్రతిదీ ఫ్యాషన్
వెకిలి వేషాలు, వెర్రి చేష్టలు
ఎవరన్నా చూస్తా రేమోనన్న బిడియంలేదు
ఏమన్నా అనుకుంటారేమోనన్న భయంలేదు
ఇది కాదు కదా ప్రేమంటే
ఒకరినొకరు అర్థం చేసుకొనటం
కష్టసుఖాలను పంచుకొనటం
దూరంలో దగ్గరితనం
ఇదే కదా ప్రేమంటే
వీరే కదా ప్రేమికులంటే.
-తుర్లపాటి లక్ష్మి
