కాంతిపుంజాలు వాళ్ళు
లోకాన్ని వెలిగిస్తుంటారు
అప్పుడప్పుడు
తగులబెడుతుంటారు కూడాను!
గొప్ప రహస్యమేదో
దాగి వుంది వారిలో
ఆ గుట్టు నీకు చిక్కదు
వారి చేతిచెఱల నుండి
నీ జట్టుకు విముక్తి లభించదు
ఆయువునిచ్చే అమ్మలు
అనురాగం పంచే రమలు
ఆటపట్టించే చెల్లెమ్మలు
అదిలించే బామ్మలు
అలరించే అంగడి బొమ్మలు
అన్నీ వాళ్ళే-
వాళ్ళు మలుచుకున్న
తోలుబొమ్మవు నువ్వు
ప్రపంచమంతటా
నీ ఆధిపత్యమే
అదేమి చిత్రమో
నీ పైన తన పెత్తనం!
ఆకాశంలో సగమంటారు
నిజానికి
గగనమంతా ఏకమొత్తంగా వాళ్ళే
నువ్వు మాత్రం
అంతరాళంలో వ్రేలాడుతున్న
ఓ ఖగోళ శకలానివి!
నమ్మవు
కబ్జాకు గురైన నీ రెండో సగాన్ని
నువ్వు సైతం గుర్తించ లేవంటే
మరదే నేటి విషాద మంటే!
నూటెంకి రవీంద్ర, 9491533295.