ఎదురీతలోనే ఆమె!

మహిళలను మభ్యపెట్టే

మహిళా దినోత్సవం మళ్లీ వచ్చింది

అన్ని రంగాల్లో అందెవేసిన చేయివంటూ

ఆర్భాటాలెన్నో చేస్తూ

ఆకాశానికి ఎత్తేస్తూ

సభలు..సమావేశాలు

ముచ్చట్లు..చప్పట్లు

అభినందనలు..పురస్కారాలు

పువ్వులు..నవ్వులు..విందులు

కానీ.. ఎన్ని మహిళా దినోత్సవాలొచ్చినా

ఏమున్నది గర్వకారణం?

ఆమెపై ఆగని ఆగడాలు అత్యాచారాలు..అమానుషాలు

ప్రేమ పేరుతో దాడులు.. హత్యలు

పెళ్ళి పేరుతో నిరంతర హింసలు

ప్రసంగాలలోనే సమానత్వం

చట్టసభలలో అదెంతో దూరం

డొల్ల చట్టలతో న్యాయం కల్ల

అయినా అస్థిత్వం కోసం

అహరహం ఎదురీతలోనే ఆమె!

జె. శ్యామల