యుగ యుగాలకు ఆది
నవ యుగాలకు పునాది
కొత్త చిగురుల తిథి
సరికొత్త రీతుల అతిథి
ప్లవనామ వత్సరం
పవిత్ర ఉగాది ఉత్సవం.
షడ్రుచుల సమ్మేళనం
ఆనందాల ప్రస్థానం
అనుబంధాల గమనం
సంతోషాల అంబరం
ఆస్వాధన మధురం
నవోత్సాహ సంబరం.
ద్వాదశ రాశులు నవగ్రహ శాంతులు
తొలగాలి భ్రాంతులు వెదజల్లాలి జ్ఞాన కాంతులు
నిత్య కళ్యాణమై నిండాలి మనసులు
పచ్చ తోరణమై పండాలి పూజలు
పెరగాలి ప్రేమలు అలగాలి అలకలు
చిలకాలి అనురాగాలు పలకాలి చల్లని పలుకులు
సంబంధ బాంధవ్యాలు సుందర మకరందాలై
వెల్లివిరియు వేళ మురిసె తెలుగు నేల
ప్లవనామ పవిత్ర ఉగాది శుభవేళ.
తుమ్మ జనార్దన్, దిల్ సుఖ్ నగర్, రంగారెడ్డి జిల్లా, చరవాణి 9440710501