భానుడి తొలి ఉషోదయకాంతులతో ఆనందాలు వెల్లివిరుస్తుండగా ..
నవ్య చైతన్యాలకు నెలవుగా మారి అరుదెంచే ..
తెలుగు వారి ప్రియమైన పండుగ..ఉగాది !
చైత్ర శుద్ధ పాడ్యమి రోజున బ్రహ్మ సృష్టిని నిర్మించడం తో..
తొలిపండుగగా జనులందరిచే జరుపుకోబడుతుంది.. ఉగాది !
వసంత రుతువు ఆగమనంతో..
కోయిలమ్మలు కమ్మని మావిడిపూతలు తింటూ..తీయని రాగాలు ఆలపిస్తుంటే..
తెలుగు లోగిళ్ళులో..పిల్లాపాపలు నూతన వస్త్రాలు ధరించి ఆటలాడుతూ అల్లరిచేస్తుంటే..
మామిడి తోరణాలతో గుమ్మాలని మహిళలు అందంగా అలంకరిస్తుంటే..
అరుదెంచే విశిష్టమైన తెలుగువారి పండుగ.. ఉగాది !
పెద్దలందరూ ఒక్కచోట చేరగా..
పంచాగ పఠనాలతో జ్యోతిష్య పండిత శ్రేష్టులు భవిష్యత్ ఎలా వుంటుందో చెబుతుంటే..
అందమైన జీవితాన్ని ఊహించుకుంటూ..సత్ సంకల్పంతో తొలిసారిగా పనులను ప్రాంభించే శుభదినం.. ఉగాది !
ఉగాది పచ్చడి షడ్రుచుల సమ్మేళనమై..
జీవితంలో పరిచయమయ్యే వివిధ అనుభవాలకు ప్రతీక గా నిలుస్తుంది !
ప్రేమ ఆప్యాయతలకు నెలవైన తెలుగు సంప్రదాయాలను ప్రతిబింబిస్తూ..
మనమంతా కలసి జరుపుకునే పండుగ ఉగాది !
గొర్రెపాటి శ్రీను, హైదరాబాద్, 9652832290