యుగానికి ఆది,
కొత్త సంవత్సరాది
ఆమని ఆరంభంలో
తెలుగువారికి తేనెలొలుకు
కోరికల కొత్త కోకిలరాగం,
ఈ సంవత్సరం
గత శార్వరి లోని వరీని
విడిచి పేరుకు తగ్గట్టు
శ్రీ ప్లవనామ సంవత్సరం
జ్ఞానం తెలివితో కూడిన
బతుకు నివ్వాలి
ఈ కరోనా కట్టడి లో
గతంనుండి నేటిదాకా
ఎవరితో చేతులుకలుపక
సహజీవనం చేస్తున్నాం
ఈ సంవత్సరం
సంతోషాలు తెప్పగా రావాలి
ఉగాది పచ్చడి షడ్రుచుల
ఆస్వాదంలా మంచిని ఆసాంతం
సొంతం చేసుకోవాలి
మనలోని సమస్యలు తొలగి
మావి చిగురులా కొత్త ఆశలతో
కరోనా మహమ్మారి నుండి
ఈ జగతికి ముక్తి కలగాలి
ఇదే కాంక్షతో,ప్లవనామ ఉగాదికి
సాదర స్వాగతం పలకాలి
సంధ్య సుత్రావె, పాత నగరం, సుల్తాన్ షాహి, హైద్రాబాద్