శ్రీకాకుళం జిల్లాలో పోలీసు శాఖలో హోంగార్డు గా గత 15 సంవత్సరాలుగా పని చేస్తున్న గొంగళి సురేష్ మెడికవర్ ఆసుపత్రిలో తీవ్రమైన ఊపిరితిత్తుల సమస్యలతో వారం రోజుల క్రితం ఆసుపత్రిలో చేరాడు. అతనికి చాలా వరకు ఊపిరితిత్తులు దెబ్బతిన్నాయని డాక్టర్లు తెలిపారు. ఆయన వైద్యం కోసం సుమారు 7 లక్షల రూపాయల వరకు ఖర్చవుతాయని మెడికవర్ వైద్యులు తెలిపారు.
అయితే హోంగార్డు సురేష్ కు భార్య, ముగ్గురు ఆడపిల్లలు ఉండటంతో ఇటు కుటుంబ పోషణ కూడా కష్టమవుతుంది. అతని భార్య గొంగళి దుర్గా భవాని ఎలాగైనా తనకు ఆర్థిక సహాయం చేసి, తన భర్త ప్రాణాలు కాపాడవలసిందిగా జిల్లా సూపరింటెండెంట్ ఆఫ్ పోలీస్ జి. రాధికాను వేడుకుంటున్నారు.