హనుమకొండ లోని స్వధార్ మహిళా ఆశ్రమానికి అనురాగ్ హెల్పింగ్ సొసైటి ప్రెసిడెంట్, మాజీ CWC చైర్ పర్సన్ డా.కె.అనితారెడ్డి కుట్టుమిషన్ లు అందచేశారు. మహిళలు ఆర్ధికంగా ఎదిగినప్పుడే మహిళా సాధికారత సాధ్యమౌతుందని ఈ సందర్భంగా డాక్టర్ అనితా రెడ్డి అన్నారు. శిక్షణ పొందిన మహిళలకు కుట్టు మిషన్ లను పంపిణీ చేశారు. ఈ సందర్బంగా అనితా రెడ్డి మాట్లాడుతూ మహిళలు స్వయం ఉపాధితో రాణించి ఆర్థికంగా ఎదగాలని సూచించారు. అందివచ్చిన అవకాశాలను సద్వినియోగం చేసుకొని నైపుణ్యలను పెంచుకోవాలని తెలిపారు. మహిళలు స్వశక్తితో ఎదిగేందుకు ప్రయత్నించాలని అన్నారు. ఈ కార్యక్రమంలో డాక్టర్ అనితా రెడ్డి, శైలజ, అరుణజ్యోతి తదితరులు పాల్గొన్నారు.
మహిళా ఆశ్రమానికి కుట్టు మిషన్ల పంపిణీ
