తెలంగాణలో టీఆర్ఎస్ ఎమ్మెల్యేల కొనుగోలు కేసులో సిట్ దర్యాప్తు ఊపందుకుంటోంది. ఇప్పుడు ఈ వ్యవహారంపై విచారణ జరుపుతున్న తెలంగాణ పోలీసులు బీజేపీ అగ్రనేత, పార్టీ ప్రధాన కార్యదర్శి బీఎల్ సంతోష్‌కు సమన్లు పంపారు. నవంబర్ 21న విచారణకు హాజరుకావాలని సిట్ కోరింది. అలా చేయని పక్షంలో సిట్ వారిని అరెస్టు కూడా చేయవచ్చు. సమన్ల జారీ అనంతరం బీజేపీ నేత బీఎల్ సంతోష్ కూడా మధ్యంతర బెయిల్ కోసం హైకోర్టులో పిటిషన్ దాఖలు చేసేందుకు సిద్ధమవుతున్నారు.
ఇప్పటి వరకు నాలుగు రాష్ట్రాల్లోని ఏడు ప్రాంతాలలో తెలంగాణ పోలీసులు కేసు దర్యాప్తు చేశారు. ఈ కేసులో ఇప్పటి వరకు ముగ్గురిని అరెస్టు చేశారు. అక్టోబర్ 26 రాత్రి, టిఆర్ఎస్ ఎమ్మెల్యేలలో ఒకరైన పి రోహిత్ రెడ్డి ఫిర్యాదు ఆధారంగా, రామచంద్ర భారతి అలియాస్ సతీష్ శర్మ, నంద్ కుమార్ మరియు సింహాజీ స్వామిలపై నేరపూరిత కుట్ర, లంచం ఆఫర్ తదితర నేరాల కింది కేసు నమోదు చేశారు.
అవినీతి నిరోధక చట్టం, 1988 కింద కేసులు నమోదు చేయబడ్డాయి. నిందితులు తనకు రూ.100 కోట్లు ఆఫర్ చేశారని రోహిత్ రెడ్డి ఆరోపిస్తున్నారు. అందుకు ప్రతిగా తాను టీఆర్‌ఎస్‌ని వీడి బీజేపీలో చేరాలని కండిషన్‌ పెట్టారని ఆయన తన ఫిర్యాదులో పేర్కొన్నారు. నలుగురు టీఆర్ఎస్ ఎమ్మెల్యేలు పైలట్ రోహిత్ రెడ్డి, బీ హర్షవర్ధన్ రెడ్డి, రేగా కాంతారావు, గువ్వల బాలరాజులకు గుర్తు తెలియని వ్యక్తుల నుంచి బెదిరింపు కాల్స్ వస్తున్నాయని ఫిర్యాదు చేశారు. ఎమ్మెల్యే ఫిర్యాదు మేరకు రాయదుర్గం, బంజారాహిల్స్, ఘట్‌కేసర్, గచ్చిబౌలి పోలీస్ స్టేషన్లలో ఇండియన్ పీనల్ కోడ్‌లోని సంబంధిత సెక్షన్ల కింద కేసులు నమోదయ్యాయి.
