దోహా లో జరుగుతున్న 4వ ఆసియన్ షూటింగ్ ఛాంపియన్స్ షిప్ లో జూనియర్ విభాగంలో 3 స్వర్ణ పథకాలు సాధించిన హైదరాబాద్ నగరానికి ఇషా సింగ్ ను మంత్రి V. శ్రీనివాస్ గౌడ్ అభినందించారు.10 మీటర్ల విభాగంలో వ్యక్తి గత, టీం, మిక్స్ డ్ డబుల్స్ లో తన అద్భుతమైన ప్రదర్శనతో హ్యాట్రిక్ గోల్డ్ మెడల్స్ సాధించి అంతర్జాతీయ స్థాయిలో తెలంగాణ రాష్ట్రానికి, దేశానికి పేరు ప్రఖ్యాతులు తీసుకవచ్చారన్నారు. భవిష్యత్ లో మరెన్నో అంతర్జాతీయ స్థాయి పథకాలు షూటింగ్ విభాగంలో ఇషా సింగ్ గెలుచుకోవాలని మంత్రి ఆకాంక్షించారు. ముఖ్యమంత్రి కేసీఆర్ నేతృత్వంలో తెలంగాణ రాష్ట్రం క్రీడా హబ్ గా రూపాంతరం చెందుతుందన్నారు. రాష్ట్ర క్రీడా శాఖ ఆధ్వర్యంలో గచ్చిబౌలిలోని షూటింగ్ రేంజ్ ను అభివృద్ధి చేస్తున్నామన్నారు. దేశం గర్వించదగ్గ క్రీడాకారులను తయారు చేయటమే తెలంగాణ క్రీడా శాఖ లక్ష్యం గా పనిచేస్తున్నామన్నారు మంత్రి శ్రీనివాస్ గౌడ్.
previous post