కొల్లాపూర్ మున్సిపాలిటీ పరిధిలోని ఆస్తి పన్ను చెల్లింపుదారులకు ప్రభుత్వం 90 శాతం వడ్డీ రాయితీ కల్పించిందని మున్సిపల్ చైర్ పర్సన్ రఘుప్రోలు విజయలక్ష్మి చంద్రశేఖర్ చారి ఒక ప్రకటనలో తెలిపారు. బకాయిలపై కేవలం 10 శాతం వడ్డీతో ఆస్తి పన్ను చెల్లించవచ్చునని ఆమె తెలిపారు.
ఆస్తి పన్ను బకాయిలు చెల్లించే వారిని ప్రోత్సహించడానికి 2019-20 ఆర్థిక సంవత్సరం వరకు ఉన్న ఆస్తి పన్ను బకాయిలు మొత్తాన్ని వన్ టైమ్ సెటిల్మెంట్ కింద ఈ అవకాశం కల్పిస్తున్నట్లు ఆమె తెలిపారు.
ఈ మేరకు జూలై 28న జీవో నెంబర్ 306 ద్వారా బకాయి ఉన్న ఆస్తిపన్ను పై 90 శాతం వడ్డీని ప్రభుత్వం మాఫీ చేసిందని ఆమె తెలిపారు. ఈ వెసులుబాటు సెప్టెంబర్ 15 వరకు ఉంటుందని ఆమె తెలిపారు.