రెండు సార్లు పన్ను విధించే అవకాశం ఉన్న జిఎస్ టి ఆర్ 9, 9 సి ఫారాలను రద్దు చేయాలని తెలంగాణ ట్యాక్స్ ప్రాక్టీషనర్స్ డిమాండ్ చేసింది. ఈ మేరకు తెలంగాణ రాష్ట్ర ఆర్ధిక మంత్రి తన్నీరు హరీష్ రావును కలిసి విజ్ఞాపన పత్రం అందజేశారు. ఈ రెండు ఫారాల వల్ల చిన్న వ్యాపారులకు నష్టం జరుగుతున్నదని తెలంగాణ ట్యాక్స్ ప్రాక్టీషనర్స్ అసోసియేషన్ అధ్యక్షుడు నగేశ్ రంగి, కార్యదర్శి ఆర్ విఠల్ మంత్రికి తెలిపారు. జిఎస్ టి కి సంబంధించిన ఈనెల 20 వ తారీకు న గోవా లో జరిగే జీఎస్టీ కౌన్సిల్ సమావేశంలో ఈ సమస్యలను పరిష్కరించేందుకు తప్పకుండా ప్రయత్నిస్తానని ఈసందర్భంగా మంత్రి వారికి హామీ ఇచ్చారు. మంత్రిని కలిసిన వారిలో సంఘం ఉపాధ్యక్షులు కృష్ణ గౌడ్, శ్రీనివాస్ సంయుక్త కార్యదర్శి హుస్సేన్ వలి, కార్యవర్గసభ్యులు కాట్రగడ్డ నరేంద్ర, సుబ్రహ్మణ్యం, ప్రసాద్ తదితరులు పాల్గొన్నారు.
జిఎస్ టి సమస్యలపై హరీష్ సానుకూల స్పందన
