సామాజిక మార్పు కోసమే దళిత బంధు పథకాన్ని సీఎం కేసీఆర్ ప్రవేశపెట్టారని ఉప్పల్ ఎమ్మెల్యే బేతి సుభాష్ రెడ్డి స్పష్టం చేశారు. శుక్రవారం ఏ ఎస్ రావు నగర్ డివిజన్ కు చెందిన దళితబంధు లబ్దిదాడు లక్ష్మినారాయణ ఆ స్కీం కింద మంజూరైన టాటా ఏస్ గూడ్స్ వాహనాన్ని స్వయంగా నడిపి ఉప్పల్ ఎమ్మెల్యే బేతి సుభాష్ రెడ్డి, మాజీ కార్పొరేటర్ కొత్త రామారావు, ఏ ఎస్ రావు నగర్ డివిజన్ అధ్యక్షులు కాసం మహిపాల్ రెడ్డి ల తో కలిసి లబ్దిదారుడికి వాహన తాళాలు అందజేశారు.
అందుకుగాను లబ్ధిదారుడు కృతజ్ఞతలు తెలిపారు. ఈ సందర్భంగా ఎమ్మెల్యే సుభాష్ రెడ్డి మాట్లాడుతూ ఈ ఒక్క పథకం మాత్రమే కాకుండా రాష్ట్రంలో సామాజిక మార్పు తీసుకొచ్చేందుకు ఒక గొప్ప ఉద్యమం లాంటిది ప్రతి దళిత కుటుంబానికి దళిత బందు ఇవ్వాలన్నదే సీఎం కేసీఆర్ ఆశయమని పేర్కొన్నారు. ఈ పథకం ద్వారా లబ్ధి పొంది ఇతరులకు ఉపాధి కల్పించే దిశగా ప్రతి దళితులు ఎదగాలని ఎమ్మెల్యే ఆకాంక్షించారు. ఈ కార్యక్రమంలో సుధాకర్ ,మేకల ముత్యం రెడ్డి, డప్పు గిరిబాబు, రెడ్డి నాయక్, జెసిబి రాజు ,యాదగిరి, మొగులయ్య, కృష్ణారెడ్డి , మంజుల, లక్ష్మి తదితరులు పాల్గొన్నారు.
సత్యం న్యూస్ మేడ్చల్ జిల్లా ప్రతినిధి
