నాచురల్ స్టార్ నాని నెగెటీవ్ క్యార్టెక్టర్ లో నటిస్తున్న చిత్రం ‘వి’. దిల్ రాజు నిర్మాణంలో తెరకెక్కుతున్న ఈ చిత్రానికి ఇంద్రగంటి మోహన కృష్ణ దర్శకత్వం వహించారు. సుధీర్ బాబు, నివేదా థామస్, అతిధి రావు హైదరి ఈ చిత్రంలో నటిస్తున్నారు. పోస్టు ప్రొడక్షన్ కార్యక్రమాలు పూర్తి చేసుకున్న ఈ చిత్రం లాక్ డౌన్ కారణంగా విడుదలకు నోచుకోలేకపోయింది.
ఓటిటి ప్లాట్ ఫారంపై ఈ చిత్రానికి అత్యధిక ఆఫర్ వచ్చింది. ఒక కంపెనీ ఈ చిత్రానికి 35 కోట్లు ఆఫర్ ఇచ్చింది. అయితే అప్పటిలో దిల్ రాజు ఆ ఆఫర్ ను కాదన్నారు. తన చిత్రాన్ని ధియేటర్ లో మాత్రమే విడుదల చేస్తానని దిల్ రాజు పట్టుపట్టి కూర్చున్నారు. లాక్ డౌన్ ఇన్ని రోజులు కొనసాగుతుందని ఆయన బహుశ ఊహించి ఉండరు.
అయితే ఎప్పటికైనా తాను ధియేటర్ లోనే విడుదల చేస్తానని దిల్ రాజు మంకుపట్టుపై ఉన్నారు. ధియేటర్ లో నేరుగా విడుదల అయితే అంతకన్నా ఎక్కువ వర్క్ అవుట్ అవుతుందో లేదో వేచి చూడాలి.