ఏడాది చివర్లో ప్రతీ జిల్లా లోనూ సంబంధిత ఎస్పీలు… ఆయా జిల్లా ల పరిధుల్లో ఉన్న పోలీస్ స్టేషన్ లను తనిఖీ చేస్తూ ఉంటారు. ఆ క్రమంలో నే విజయనగరం జిల్లా పోలీసు సూపరెంటెండెంట్ ఆండ్ర పీఎస్ ను సందర్శించారు. ఈ మేరకు వార్షిక తనిఖీల్లో భాగంగా జిల్లా ఎస్పీ ఎం.దీపిక ఆండ్ర పీఎస్ ను సందర్శించి, రికార్డులు, సిడి ఫైల్స్ ను తనిఖీ, కేసు ప్రాపర్టీని, లాకప్ గదులను పరిశీలించారు. వివిధ కేసుల్లో సీజ్ చేసిన వాహనాలను నిబంధనలు మేరకు త్వరితగతిన డిస్పోజ్ చేయాలని అధికారులను జిల్లా ఎస్పీ ఆదేశించారు.ఈ వార్షిక తనిఖీల్లో జిల్లా ఎస్పీ వెంట బొబ్బిలి డిఎస్పీ బి.మోహనరావు, గజపతినగరం సిఐ ఎల్.అప్పల నాయుడు, ఎస్ఐ సిద్దార్థ్ మరియు ఇతర సిబ్బంది ఉన్నారు.
