రోజూ 20 నిమిషాల పాటు ఎండలో కూర్చోండి. లేకపోతే శరీరంలో విటమిన్ డి తగ్గిపోతుంది. విటమిన్ డి తగ్గిపోతే ఏమిటని అనుకుంటున్నారా? విటమిన్-డి లోపం ఉన్నవారికి కొవిడ్‌ ముప్పు ఎక్కువని తాజా అధ్యయనంలో వెల్లడైంది.
రోగనిరోధక వ్యవస్థను శక్తిమంతం చేయడంతో పాటు ఇన్‌ఫెక్షన్‌కు గురికాకుండా శ్వాస వ్యవస్థను కాపాడటంలో విటమిన్-డి ఇతోధికంగా దోహదపడుతున్నట్టు గత పరిశోధనల్లోనూ వెల్లడైంది.
కొవిడ్‌-19ను ఎదుర్కోవడంలో దీని పాత్ర ఏమిటన్నది తెలుసుకునేందుకు యూనివర్సిటీ ఆఫ్‌ షికాగో మెడిసిన్‌ పరిశోధకులు తాజాగా అధ్యయనం చేపట్టారు.
మహమ్మారికి ముందు, ఆ తర్వాత 489 మందికి సంబంధించిన ఆరోగ్య వివరాలను సేకరించారు. విటమిన్-డి స్థాయి తగినంతగా ఉన్నవారితో పోలిస్తే ఈ లోపంతో బాధపడుతున్నవారే ఎక్కువగా కొవిడ్‌కు గురైనట్లు గుర్తించారు.
