రెండు విమానయాన సంస్థలు విశాఖకు గుడ్ బై చెబుతున్నాయి. ఇండిగో వైజాగ్ వెళ్లే తన రెండు సర్వీసులను రద్దు చేస్తున్నట్లు ప్రకటించింది. చెన్నై – వైజాగ్ – చెన్నై, హైదరాబాద్ – వైజాగ్ – హైదరాబాద్ సర్వీసును రద్దు చేస్తున్నట్లు ఇండిగో ప్రకటించింది.
మార్చి రెండో వారం నుంచి ఈ సర్వీసుల నిలిపివేతకు నిర్ణయం తీసుకున్నది. ఇదే దారిలో స్పైస్ జెట్ సంస్థ కూడా నిర్ణయం తీసుకున్నది. ఢిల్లీ -వైజాగ్ సర్వీసును నిలిపివేసే యోచనలో స్పైస్ జెట్ ఉన్నది. మార్చి నెలాఖరు నుంచి సర్వీసు రద్దు చేసేందుకు నిర్ణయం తీసుకున్నారు.
