ఆంధ్ర ప్రదేశ్ స్టేట్ బెవరేజస్ కార్పొరేషన్ వైన్ షాప్ లలో పనిచేస్తున్న సూపర్ వైజర్ ,సెల్సమాన్ ల సమస్యలు పరిష్కరించాలని కోరుతూ రాజమండ్రి బెవరేజెస్ డిపో ఎదుట కార్మికులు ధర్నా నిర్వహించారు. అనంతరం సమస్యలతో కూడిన వినతిపత్రాన్ని డిఎంకు అందచేశారు. ఈ ధర్నాకు హమాలీ కార్మికులు సంఘీభావం వ్యక్తం చేశారు.
ఈ కార్యక్రమాన్ని ఉద్దేశించి APSBC అవుట్ సౌర్చింగ్ కాంట్రాక్టు ఎంప్లాయిస్ యూనియన్ రాష్ట్ర అధ్యక్షులు తాటిపాక మధు మాట్లాడుతూ రెడ్డి ఎంట్రప్రెస్స్ వారు కార్మికుల జీతాల నుండి పిఎఫ్ సొమ్మును కార్మికుల ఖాతాలోకి వెయ్యకుండా కార్మికుల సొమ్మును కాజేశారని అన్నారు. సంవత్సరం నుండి ఈ విషయం పై పలుమార్లు ఉన్నత అధికారులకు మొర పెట్టుకున్నా స్పందన లేదని అన్నారు. రెడ్డి సంస్థను రద్దు చేసి apcos లో కలాపాలను అన్నారు. ఇరవై లోగా తమ సమస్యలు పరిష్కరించకుంటే 28 న వైన్ షాప్ బంద్ లు చేస్తామని అన్నారు.
ఈ కార్యక్రమంలో ఏఐటీయూసీ జిల్లా అధ్యక్షులు నల్ల రామారావు, జట్లు లేబర్ యూనియన్ అధ్యక్షులు కుండ్రపు రాంబాబు, కిర్ల కృష్ణ రామచంద్ర రావు, సత్యనారాయణ, వెంకటరావు, తులసీరావు తదితరులు పాల్గొన్నారు.
