విజయనగరం జిల్లా సాలూరు లోని స్వామి శ్రీ రామానంద యోగజ్ఞాన ఆశ్రమంలో ప్రపంచ యోగా దినోత్సవం ఘనంగా జరిగింది.
అపర వాల్మికి సద్గురు శ్రీశ్రీశ్రీ స్వామి శివానంద పరమహంసల వారి సమాధి ఆరాధన కూడా ఈ రోజునే కావడం గమనార్హం. ఈ నేపథ్యంలో అప్పటి నుంచి జూన్ 21 ప్రపంచయోగా దినోత్సవం నిర్వహిస్తున్నారు.
ఇదిలా ఉంటే సద్గురు శివానంద పరమహంస కాలినడక యావత్ ప్రపంచం తిరిగి సిద్ద విద్య అయిన ప్రాణాయామమును ఉపదేశించారు.
ఈ క్రమంలో నే ఏపీ రాష్ట్రం విజయనగరం జిల్లా సాలూరు కు రావడం జరిగినట్టు..వారి శిష్యులు మౌన స్వామి శ్రీ స్వామి రామానంద పరమహంసల వారు స్థాపించిన కామన్నవలస ఆశ్రమ పీఠాధిపతి శ్రీ గురూజీ తెలిపారు.
ఈ నేపథ్యంలో ఆశ్రమంలో అటు యోగా డే ఇటు శివానందుల వారి సమాధి ఆరాధన జరిగింది. కరోనా మూలంగా ఎవ్వరినీ పిలవకపోయినప్పటికీ…యోగా డే సందర్భంగా పరిమితం గానే కరోనా నిబంధనల ను పాటిస్తూ… ఆరాధన కు హాజరయ్యారు.
ఈ సందర్భంగా సద్గురు పూజ, శ్రీ గురుగీత, దక్షిణామూర్తి స్తోత్రం, సద్గురు పాదుకాస్తవమ్ పఠించారు. ఈ కార్యక్రమంలో ఆశ్రమ పీఠాధిపతి శ్రీ గురూజీ, వారి సతీమణి పార్వతమ్మ, శిష్యులు మోహనరావు, శోభ, కెప్టెన్ లక్ష్మణరావు, డా.సుబ్రహ్మణ్యం, చక్రవర్తి, నారాయణ రావు, ఏఐఆర్ జర్నలిస్ట్ విజయగోపాల్ తదితరులు మాస్క్ లు ధరించి పాల్గొన్నారు.
