ప్రధాని నరేంద్రమోడీ ప్రాతినిధ్యం వహిస్తున్న వారణాసి లోక్ సభ స్థానం పరిధిలో భారతీయ జనతా పార్టీ ఘోర పరాజయం మూటగట్టుకున్నది. వారణాసి ప్రాంతంలో జరిగిన ఎమ్మెల్సీ ఎన్నికల్లో బీజేపీ ఓటమి పాలు కావడమే కాకుండా బీజేపీ కోల్పోయిన రెండు స్థానాలను సమాజ్‌వాదీ పార్టీ నిలబెట్టుకుంది. ప్రధానమంత్రి నరేంద్ర మోదీ ప్రాతినిధ్యం వహిస్తున్న వారణాసి లోక్‌సభ నియోజకవర్గ పరిధిలోని ఈ ఫలితాలు బీజేపీకి అనూహ్యంగా శరాఘాతంగా మారాయి. దాంతో ఈ ఎన్నికలు రాజకీయంగా ప్రాధాన్యం సంతరించుకున్నాయి. ఉపాధ్యాయులు, పట్టభద్రుల నియోజకవర్గాల్లో ఎస్పీ అభ్యర్థులు విజయం సాధించారు.
సమాజ్‌వాదీ పార్టీకి చెందిన లాల్ బిహారీ యాదవ్ వారణాసి ఉపాధ్యాయుల ఎమ్మెల్సీ స్థానాన్ని నిలబెట్టుకోగా, పట్టభద్రుల నియోజకవర్గంలో సిట్టింగ్ ఎమ్మెల్సీ అశుతోష్ సిన్హా బీజేపీ అభ్యర్థి కేదార్‌నాథ్ సింగ్‌పై ఆధిక్యంలో కొనసాగారు. అక్టోబర్ 29 నాటి తాజా నివేదికల ప్రకారం, పట్టభద్రుల స్థానంలో ఓట్ల లెక్కింపు కొనసాగుతున్నందున రెండు స్థానాల్లోనూ ఎస్పీ విజయం సాధించిందని అధికారికంగా నిర్ధారించడానికి పూర్తి ఫలితాలను పరిగణనలోకి తీసుకోవాలి.
