గ్రీన్ ఇండియా ఛాలెంజ్ లో భాగంగా జూబ్లీహిల్స్ లో నటి కే సుధ మొక్కలు నాటారు. ఈ సందర్భంగా సుధ మాట్లాడుతూ ఇండియా ఛాలెంజ్ లో పాల్గొని మొక్క నాటడం చాలా ఆనందంగా ఉందని అన్నారు. మొక్కలన్నా జంతువులు అన్నా చిన్నప్పటి నుండి తనకు చాలా ఇష్టమని అన్నారు.
సకల జీవ రాసులు ఆనందంగా ఉండాలంటే వృక్షాలను కాపాడుకోవాల్సిన అవసరం ఉందని అన్నారు. మొక్కలు నాటి వాటి రక్షణ చేస్తేనే రేపటి తరాలకు మంచి వాతావరణం ఇచ్చిన వాళ్ళం అవుతామని అన్నారు. ఇంతటి గొప్ప కార్యక్రమం చేపట్టిన మాజీ రాజ్యసభ సభ్యులు జోగినపల్లి సంతోష్ కుమార్ కి కృతజ్ఞతలు తెలిపారు. ఈ కార్యక్రమం లో గ్రీన్ ఇండియా ఛాలెంజ్ రాష్ట్ర కోర్డినేటర్ గర్రెపల్లి సతీష్ తదితరులు పాల్గొన్నారు.
