తెనాలి పట్టణంలోని టీబీ రోడ్, కొత్తపేటలో గల నెం.22 ది తెనాలి కో-ఆపరేటివ్ అర్బన్ బ్యాంక్ లిమిటెడ్ నూతనంగా పునరుద్ధరించిన గ్రౌండ్ ఫ్లోర్ భవనం ప్రారంభోత్సవ కార్యక్రమంలో తెనాలి నియోజకవర్గ శాసనసభ్యులు, రాష్ట్ర ఆహార, పౌర సరఫరాలు & వినియోగదారుల వ్యవహారాల శాఖ మంత్రి నాదెండ్ల మనోహర్ పాల్గొన్నారు.
ఈ సందర్భంగా బ్యాంకు అభివృద్ధికి కృషి చేస్తున్న పాలకవర్గాన్ని అభినందించిన మంత్రి, సహకార బ్యాంకులు ప్రజలకు నమ్మకమైన ఆర్థిక సేవలు అందిస్తూ స్థానిక ఆర్థిక వ్యవస్థ బలోపేతానికి కీలక పాత్ర పోషిస్తున్నాయని పేర్కొన్నారు. ఆధునిక సౌకర్యాలతో పునరుద్ధరించిన ఈ భవనం వినియోగదారులకు మరింత మెరుగైన సేవలు అందించేందుకు దోహదపడుతుందని ఆకాంక్షించారు.
