ప్రపంచంహోమ్

ఇరాన్ తో యుద్ధంపై ట్రంప్ కీలక ప్రకటన

#StraitOfHormuz

ఇరాన్ తో ప్రస్తుతం కొనసాగుతున్న యుద్ధం త్వరంలో ముగిసిపోతుందని అమెరికా అధ్యక్షుడు డోనాల్డ్ ట్రంప్ అన్నారు. అలబామాలో జరిగిన ఒక సభలో మాట్లాడిన ట్రంప్, ఇరాన్‌లో అమెరికాతో చర్చలు జరిపేందుకు ప్రస్తుతం స్పష్టమైన ప్రతినిధి ఎవరూ కనిపించడం లేదన్నారు. “ఎవరితో చర్చలు జరపాలో నాకు తెలియడం లేదు. అక్కడ ఎవరూ లేరు” అని ఆయన వ్యాఖ్యానించారు. యుద్ధం ఏదో ఒక విధంగా త్వరలో ముగుస్తుందని, బహుశా అమెరికా మధ్యంతర ఎన్నికల అనంతరం పరిస్థితిలో మార్పు రావచ్చని పేర్కొన్నారు.

ఇరాన్‌పై అమెరికా సైనిక చర్యలను మరింత విస్తరించే దిశగా ట్రంప్ ప్రభుత్వం చర్యలు తీసుకుంటోందని అమెరికా సెనేటర్ క్రిస్ వాన్ హోలెన్ ఆరోపించారు. మధ్యప్రాచ్యానికి మరో 10 వేల మంది వరకు అమెరికా సైనికులను పంపే ఏర్పాట్లు జరుగుతున్నాయని ఆయన పేర్కొన్నారు. ఇరాన్‌పై కొనసాగుతున్న యుద్ధానికి నిధులు నిలిపివేయాలని కాంగ్రెస్‌ను కోరారు.

అమెరికా రక్షణ శాఖ మూడో విమాన వాహక నౌక దళాన్ని, అదనపు నౌకాదళ బలగాలను మధ్యప్రాచ్యానికి పంపే అంశాన్ని పరిశీలిస్తున్నట్లు సమాచారం. నవంబర్ ప్రారంభంలో జరగనున్న అమెరికా మధ్యంతర ఎన్నికల అనంతరం ఇరాన్‌పై దాడులను తిరిగి ప్రారంభించే అంశాన్ని ట్రంప్ పరిశీలిస్తున్నట్లు కూడా నివేదికలు వెల్లడించాయి.

భవిష్యత్ యుద్ధాల స్వరూపాన్ని అధ్యయనం చేసేందుకు అమెరికా రక్షణ శాఖ ‘ప్రాజెక్ట్ మెరిడియన్: ది ఫ్యూచర్ ఆఫ్ వార్‌ఫేర్’ పేరుతో ప్రత్యేక అధ్యయనాన్ని ప్రారంభించింది. భవిష్యత్ యుద్ధరంగాల్లో అమెరికా ఆధిపత్యాన్ని కొనసాగించేందుకు అవసరమైన ఆయుధాలు, సాంకేతిక పరిజ్ఞానం, సైనిక వ్యూహాలను ఈ ప్రాజెక్టు పరిశీలించనుంది.

కృత్రిమ మేధస్సు, స్వయంప్రతిపత్తి సాంకేతికతలు, దిశానిర్దేశిత శక్తి ఆయుధాలు, రోబోటిక్స్, జీవసాంకేతికత వంటి వేగంగా అభివృద్ధి చెందుతున్న రంగాలు భవిష్యత్ యుద్ధాల స్వరూపాన్ని గణనీయంగా మార్చే అవకాశం ఉందని అమెరికా రక్షణ శాఖ పేర్కొంది. ఇరాన్‌పై నిర్వహించిన సైనిక చర్యలు అమెరికా సాంకేతిక సామర్థ్యాన్ని ప్రదర్శించాయని రక్షణ శాఖ పేర్కొన్నప్పటికీ, ప్రస్తుతం ఉన్న సాంకేతిక ఆధిక్యాన్ని శాశ్వతంగా భావించలేమని హెచ్చరించింది.

ఇరాన్ కూడా తన సైనిక, సాంకేతిక సామర్థ్యాల్లో పురోగతి సాధించినట్లు ప్రకటిస్తోంది. దీంతో ఇరాన్‌పై అమెరికా యుద్ధం ముగింపు దిశగా వెళ్తుందా, లేక మధ్యప్రాచ్యంలో సైనిక ఉద్రిక్తతలు మరింత పెరుగుతాయా అన్నది అంతర్జాతీయంగా ఆసక్తికరంగా మారింది.

Related posts

రష్యాకు విమాన భాగాలు అమ్మిన వ్యక్తికి శిక్ష

Satyam News

చిమ్మ చీకట్లో ఐజ ప్రభుత్వ ఆసుపత్రి

Satyam News

అమరావతి ఇక అఖండ జ్యోతి!

Satyam News

చాణక్య తాజా సర్వే: ఘోరంగా దెబ్బతిన్న జగన్

Satyam News

అమెరికాకు లోకేష్..పెరిగిన అంచనాలు.!

Satyam News

రాయచోటి లో పోలీసు కవాతు

Satyam News

Leave a Comment