ముఖ్యంశాలుహోమ్

ఏలూరు ఎంపీ డ్రగ్స్ కేసు పై చంద్రబాబు సీరియస్

#ChandrababuNaidu

ఏలూరు పార్లమెంట్ సభ్యుడు పుట్టా మహేష్‌ డ్రగ్స్ కేసు ఆరోపణల వ్యవహారం తెలుగుదేశం పార్టీలో పెను సంచలనం సృష్టిస్తోంది. ఈ ఘటనపై ముఖ్యమంత్రి, టీడీపీ అధినేత నారా చంద్రబాబు నాయుడు అత్యంత కఠినంగా స్పందించారు. పార్టీ క్రమశిక్షణ, నైతిక విలువల విషయంలో ఎట్టి పరిస్థితుల్లోనూ రాజీ పడేది లేదని ఆయన స్పష్టం చేశారు.

డ్రగ్స్ కేసులో ఎంపీ పుట్టా మహేష్ పేరు వినిపించడంపై తీవ్ర ఆగ్రహం వ్యక్తం చేసిన చంద్రబాబు, తక్షణమే ఆయనను పార్టీ కార్యక్రమాలకు దూరంగా ఉండాలని ఆదేశించారు. ఈ వ్యవహారంపై పూర్తిస్థాయి విచారణ జరిపి, సమగ్ర నివేదిక సమర్పించాలని పార్టీ రాష్ట్ర అధ్యక్షుడు పల్లా శ్రీనివాసరావును ముఖ్యమంత్రి ఆదేశించారు. అలాగే, ఈ ఘటనపై ఎంపీ నుంచి రాతపూర్వక వివరణ కోరుతూ షోకాజ్ నోటీసులు జారీ చేయాలని స్పష్టం చేశారు.

ఈ సందర్భంగా చంద్రబాబు నాయుడు కీలక వ్యాఖ్యలు చేశారు. డ్రగ్స్ వంటి సామాజిక విద్రోహ చర్యల్లో ఎవరున్నా, వారు ఎంతటి వారైనా సరే ఉపేక్షించే ప్రసక్తే లేదని తేల్చి చెప్పారు. వ్యక్తులు లేదా నేతలు చేసే వ్యక్తిగత తప్పుల వల్ల పార్టీ ప్రతిష్ట దెబ్బతినే పరిస్థితిని తాను రానివ్వనని ఆయన గట్టి హెచ్చరిక జారీ చేశారు. ప్రభుత్వానికి, పార్టీకి చెడ్డపేరు తెచ్చే ఏ కార్యకలాపాన్నైనా కఠినంగా అణిచివేస్తామని ఈ చర్య ద్వారా ముఖ్యమంత్రి సంకేతాలిచ్చారు.

ఎంపీపై అధిష్టానం తీసుకున్న ఈ నిర్ణయం ఇప్పుడు రాజకీయ వర్గాల్లో హాట్ టాపిక్‌గా మారింది.

Related posts

సరస్ మేళా ఏర్పాట్లను పరిశీలించిన కేంద్ర మంత్రి పెమ్మసాని

Satyam News

ప్రొఫెసర్ తో వైసీపీ గేమ్స్…. బ్లూ మీడియాలో ఫేక్‌ స్టోరీ

Satyam News

మత్తు మందు ఇచ్చి బాయ్ ఫ్రెండ్ అత్యాచారం

Satyam News

నిరుద్యోలను మోసం చేసిన కాంగ్రెస్

Satyam News

అమెరికా పూర్తిగా ఓడిపోయే వరకూ పోరాటం ఆగదు

Satyam News

టెండూల్కర్ ఇంట పెళ్లికి దిగి వచ్చిన తారలు

Satyam News

Leave a Comment