విలక్షణ దర్శకుడు, నిత్య ప్రయోగశీలి డా. పీసీ ఆదిత్య మరో ప్రయోగం చేశారు. గత 30 సంవత్సరాలనుండి సినీ రంగం లో పలు ప్రయోగాలు చేస్తూ ఆదిత్య జాతీయ, అంతర్జాతీయ స్థాయిలో పలు అవార్డులు, రికార్డులు సాధిస్తూ గుర్తింపు పొందారు. ఈరోజు మరో అడుగు ముందుకేసి గాయకుడు గా మారారు.
సాంకేతిక విప్లవం లో భాగం గా వచ్చిన AI ( ARTIFICIAL INTELLIGENCE ) విధానం లో నాలుగు నిముషాలు సమయం గల ప్రేమ గీతాన్ని రచించి గానం చేశారు.’ రాయే… నా లచ్చి ‘ అంటూ జానపద శైలిలో ఉత్తరాంద్ర యాస లో సాగిన ఈ గీతం టీజర్ ఇప్పటికే ప్రజాధరణ పొందింది.
నేడు 11 వ తేదీ, ఉదయం 11 గంటల 11 నిమిషాలకు ఈ గీతాన్ని యూట్యూబ్ లో విడుదల చేశారు. ఈ ప్రయోగం లో కూడా ఆదిత్య విజయం సాధించారు. పలువురు అభిమానులు, మిత్రులు ఆదిత్య కు అభినందనలు తెలియజేస్తున్నారు. భవిష్యత్ లో ఈ AI విధానం లో మరిన్ని ఆడియో, వీడియో గీతాలను రూపొందిస్థానని ఆదిత్య హామీ ఇచ్చారు.
