స్థానిక సంస్థల ఎన్నికల్లో దౌర్జన్యపూరితంగా వ్యవహరించి విజయం సాధించాలని చూస్తున్న వైసీపీ గుట్టు రట్టు అయింది. రాయచోటిలో నిన్న జరిగిన ఘటనల నేపథ్యంలో పోలీసులు కీలక చర్యలు చేపట్టారు. దీంతో విస్తుపోయే విషయాలు బయటకు వచ్చాయి. వైసీపీ నాయకులు దౌర్జన్యాలు చేసేందుకు ఎంతకు తెగించారో ఈ సంఘటనతో అర్ధం చేసుకోవచ్చు. పంజాబ్ మరియు ఇతర రాష్ట్రాల వారిని వైసీపీ నేతలు అద్దెకు తెచ్చుకుంటున్నారు. రాయచోటిలో పోలీసుల తనిఖీల్లో వైసీపీ గూండాల నుండి తుపాకులు, తూటాలు స్వాధీనం చేసుకున్నారు. పది మందికి పైగా నిందితులు పోలీసుల అదుపులో ఉన్నారు. వైసీపీ అభ్యర్థితో కలిసి వచ్చిన అదుపులోకి తీసుకుని, వారి వద్ద నుంచి ఈ రివాల్వర్‌, పిస్టల్‌, తూటాలు, ఇతర ఆయుధ సామగ్రిని, మారణాయుధాలను స్వాధీనం చేసుకున్నారు. ఈ ఘటనపై పోలీసులు దర్యాప్తు కొనసాగిస్తున్నారు. శాంతిభద్రతలకు విఘాతం కలగకుండా అధికారులు చర్యలు చేపట్టారు.
పంజాబ్ నుంచి అద్దె గుండాలతో వైసీపీ అరాచకం
