హైదరాబాద్‌లోని హుస్సేనీ ఆలం పోలీస్‌స్టేషన్‌ పరిధిలో రిటైర్డ్ ఆర్మీ అధికారి అలీముద్దీన్‌ కాల్చివేతకు గురై మృతి చెందారు. ఆయన తుపాకీ గాయాలతో మృతి చెందినట్లు పోలీసులు గుర్తించారు. సమాచారం అందుకున్న పోలీసులు ఘటనాస్థలానికి చేరుకుని దర్యాప్తు ప్రారంభించారు.
మృతుడిని అలీముద్దీన్‌గా గుర్తించినట్లు పోలీసు అధికారులు తెలిపారు. ఆయన రిటైర్డ్ ఆర్మీ అధికారి అని వెల్లడించారు. ఘటనకు సంబంధించిన పూర్తి వివరాలు ఇంకా తెలియాల్సి ఉంది. అలీముద్దీన్‌పై కాల్పులు ఎవరు జరిపారు? ఎందుకు జరిపారు? అనే కోణాల్లో పోలీసులు విచారణ చేపడుతున్నారు. దర్యాప్తు అనంతరం మరిన్ని వివరాలు వెల్లడిస్తామని అధికారులు తెలిపారు.
