నక్కపల్లి మండలం ఉపమాకలో కొలువుదీరిన శ్రీ వేంకటేశ్వర స్వామివారిని రాష్ట్ర హోంమంత్రి వంగలపూడి అనిత దర్శించుకున్నారు. నక్కపల్లి మండలానికి చెందిన ఎంపీటీసీ సభ్యులతో కలిసి ఆలయానికి చేరుకున్న హోంమంత్రి అనితకు ఆలయ అధికారులు, అర్చకులు ఆలయ మర్యాదలతో ఘన స్వాగతం పలికారు. ఈ సందర్భంగా హోంమంత్రి అనిత అంతరాలయంలో స్వామివారికి ప్రత్యేక పూజలు నిర్వహించారు.
స్వామివారి దర్శనం అనంతరం వేద పండితుల నుంచి వేద ఆశీర్వచనం స్వీకరించారు. ఆలయ అధికారులు హోంమంత్రి అనితతో పాటు వెంట వచ్చిన ప్రజాప్రతినిధులకు తీర్థప్రసాదాలు అందజేశారు.ఈ సందర్భంగా స్వామివారి దివ్య ఆశీస్సులు రాష్ట్ర ప్రజలందరిపై ఉండాలని, ప్రజలంతా ఆయురారోగ్యాలతో, సుఖసంతోషాలతో ఉండాలని హోంమంత్రి అనిత మనస్ఫూర్తిగా ప్రార్థించారు.
