ప్రపంచంహోమ్

అమెరికాకు హెచ్చరికలు జారీ చేసిన ఇరాన్

#IranWar

మధ్యప్రాచ్య ప్రాంతంలో ఉద్రిక్త పరిస్థితులు కొనసాగుతున్న నేపథ్యంలో ఇరాన్ సంయుక్త సైన్యాధిపతి అమెరికాకు గట్టి హెచ్చరిక జారీ చేశారు. ఇరాన్ పోర్టులపై అమెరికా విధించిన ఆంక్షలను ఎత్తివేయకపోతే గల్ఫ్ ప్రాంతంలో వాణిజ్యాన్ని నిలిపివేస్తామని ఆయన స్పష్టం చేశారు. ఈ హెచ్చరికతో అంతర్జాతీయ స్థాయిలో ఆందోళనలు మరింత పెరిగాయి.

ఇదే సమయంలో అమెరికా అధ్యక్షుడు డోనాల్డ్ మాత్రం పరిస్థితులు త్వరలో సద్దుమణిగే అవకాశముందని వ్యాఖ్యానించారు. ఇరాన్‌పై జరుగుతున్న యుద్ధం ముగింపు దశకు చేరువలో ఉందని ఆయన ఒక ఇంటర్వ్యూలో తెలిపారు. యుద్ధం చాలా త్వరలో ముగిసే అవకాశం ఉందని ఆయన విశ్వాసం వ్యక్తం చేశారు.

ఇక అమెరికా ఆర్థిక శాఖ మంత్రి స్కాట్ బిస్సెంట్ ఇరాన్‌పై మరింత ఆర్థిక ఒత్తిడి తీసుకురావడానికి చర్యలు సిద్ధం చేస్తున్నట్లు వెల్లడించారు. ఇరాన్‌తో వ్యాపారం చేసే ఆర్థిక సంస్థలపై ద్వితీయ ఆంక్షలు విధించేందుకు అమెరికా సిద్ధమవుతోందని ఆయన తెలిపారు. ఈ చర్యలు సైనిక దాడులకు సమానమైన ప్రభావాన్ని చూపుతాయని ఆయన వ్యాఖ్యానించారు.

మరోవైపు ఇరాన్-అమెరికా మధ్య కాల్పుల విరమణను పొడిగించేందుకు మధ్యవర్తులు చేస్తున్న ప్రయత్నాలు కొంత పురోగతి సాధించాయని ప్రాంతీయ అధికారులు తెలిపారు. ఇరువైపులా మరొక విడత చర్చలు జరిపే అవకాశం ఉందని సమాచారం. అయితే ఈ కాల్పుల విరమణను అధికారికంగా పొడిగించేందుకు అమెరికా ఇంకా అంగీకరించలేదని ఒక ఉన్నతాధికారి వెల్లడించారు.

దౌత్య చర్యల్లో భాగంగా పాకిస్తాన్ ప్రతినిధి బృందం టెహ్రాన్ చేరుకుని చర్చలు జరుపుతోంది. ప్రాంతీయ ఉద్రిక్తతలను తగ్గించేందుకు ఈ సమావేశాలు కీలకంగా మారే అవకాశం ఉంది. ఇక లెబనాన్‌లో హిజ్బుల్లా మిలిటెంట్ గుంపుపై ఇజ్రాయెల్ దాడులు కొనసాగిస్తోంది. ఇరుదేశాలు దశాబ్దాల తర్వాత ప్రత్యక్షంగా చర్చలు జరిపినప్పటికీ, భూ మరియు గగనతల దాడులు ఆగడం లేదు. దీంతో మధ్యప్రాచ్య ప్రాంతంలో శాంతి నెలకొనే పరిస్థితి ఇంకా దూరంగానే కనిపిస్తోంది.

Related posts

బంగ్లాదేశ్‌లో మరో హిందువు దారుణ హత్య

Satyam News

సినీ జంట కు డీఎన్ఏ పరీక్ష

Satyam News

న్యూస్‌క్లిక్‌పై ఈడీ కొరడా.. రూ 184 కోట్ల జరిమానా

Satyam News

సింగపూర్ బయలుదేరిన మంత్రి లోకేష్

Satyam News

కారుణ్య మ‌ర‌ణాల‌కు ఇక మార్గం సుగ‌మం

Satyam News

ఐదు రోజుల పాటు భారీ వర్ష సూచన

Satyam News

Leave a Comment