వనపర్తి పట్టణంలో ఆస్పత్రుల అనుబంధ మెడికల్ షాపులపై TG SAFE – డ్రగ్స్ వింగ్ అధికారులు సోమవారం విస్తృత తనిఖీలు చేశారు. హైదరాబాద్ డిప్యూటీ డైరెక్టర్ అంజుమ్ అబిద ఆధ్వర్యంలో జరిగిన ఈ తనిఖీల్లో రిజిస్టర్డ్ ఫార్మసిస్ట్ అందుబాటు, షెడ్యూల్ H1 మందుల రిజిస్టర్లు, ఎక్స్‌పైరీ మందుల నిల్వలు, కొనుగోలు-విక్రయ రికార్డులను క్షుణ్ణంగా పరిశీలించారు.
ఈ తనిఖీల్లో అసిస్టెంట్ డైరెక్టర్లు D. సరిత (మహబూబ్ నగర్), G. ప్రసాద్ (రంగారెడ్డి), వనపర్తి డ్రగ్ ఇన్‌స్పెక్టర్ రష్మి తదితరులు పాల్గొన్నారు. నిబంధనలు ఉల్లంఘించిన షాపులకు షోకాజ్ నోటీసులు జారీ చేసి, వివరణ తీసుకున్నాక చట్టపరమైన చర్యలు తీసుకుంటామని అధికారులు హెచ్చరించారు. ప్రజలకు నాణ్యమైన మందులు అందించడమే లక్ష్యమని, తనిఖీలు నిరంతరం కొనసాగుతాయని తెలిపారు.
పోలిశెట్టి బాలకృష్ణ, సీనియర్ విలేకరి, సత్యం న్యూస్ నెట్
