ఉక్రెయిన్ యుద్ధాన్ని ఆపేందుకు శుక్రవారం జరిగే సదస్సు తర్వాత అంగీకరించకపోతే “చాలా తీవ్ర పరిణామాలు” ఉంటాయని అమెరికా అధ్యక్షుడు డొనాల్డ్ ట్రంప్ రష్యా అధ్యక్షుడు వ్లాదిమిర్ పుటిన్ ను తీవ్ర స్థాయిలో హెచ్చరించారు. బుధవారం యూరోపియన్ నేతలతో జరిగిన వర్చువల్ సమావేశంలో ఆయన మాట్లాడుతూ రాబోయే అమెరికా–రష్యా అలాస్కా సదస్సులో కాల్పుల విరమణ సాధించాలని కోరుకుంటుందని ట్రంప్ “చాలా స్పష్టంగా” చెప్పారు అని ఫ్రాన్స్ అధ్యక్షుడు ఇమ్మాన్యుయేల్ మాక్రాన్ తెలిపారు. అదే సమావేశంలో పాల్గొన్న ఉక్రెయిన్ అధ్యక్షుడు వ్లోదిమిర్ జెలెన్స్కీ మాట్లాడుతూ, ట్రంప్‌తో జరగనున్న సమావేశానికి ముందు పుటిన్ ప్రపంచాన్ని మోసం చేస్తున్నారని చెప్పారు. “ఉక్రెయిన్ సరిహద్దు అంతటా పుటిన్ ఒత్తిడి తేవడానికి ప్రయత్నిస్తున్నాడు… రష్యా మొత్తం ఉక్రెయిన్‌ను ఆక్రమించే సామర్థ్యం కలిగి ఉందని చూపించేందుకు” ఇదంతా చేస్తున్నాడు. ఆంక్షల విషయంలో కూడా పుటిన్ బ్లఫ్ చేస్తున్నాడు. “తనకు అవి పట్టవు, అవి ప్రభావం చూపవు” అని చెబుతున్నాడు. కానీ వాస్తవానికి, ఆంక్షలు చాలా ఉపయోగకరంగా ఉన్నాయి. రష్యా యుద్ధ ఆర్థిక వ్యవస్థను తీవ్రంగా దెబ్బతీస్తున్నాయి” అని జెలెన్స్కీ అన్నారు.
ఉక్రెయిన్ తో యుద్ధం ఆపకుంటే తీవ్ర పరిణామాలు
