ప్రపంచంహోమ్

ఇరాన్ పై యుద్ధంలో భారత్ రాయబారం?

#Finland

పశ్చిమ ఆసియాలో అమెరికా–ఇరాన్ మధ్య ఉద్రిక్త పరిస్థితులు కొనసాగుతున్న నేపథ్యంలో భారత్ మధ్యవర్తిత్వం వహించాలనే డిమాండ్ పెరుగుతోంది. ఫిన్లాండ్ అధ్యక్షుడు అలెగ్జాండర్ స్టబ్ ఈ మేరకు కీలక ప్రకటన చేశారు. యుద్ధం నిలుపుదల చేయడంలో భారత్ కీలక రాయబార పాత్ర పోషించాలని సూచించారు.

ఒక అంతర్జాతీయ వేదికలో మాట్లాడిన ఆయన, ఈ సంక్షోభాన్ని తగ్గించేందుకు వెంటనే కాల్పుల విరమణ అవసరమని పేర్కొన్నారు. ఈ నేపథ్యంలో భారత్ మధ్యవర్తిగా వ్యవహరించి అమెరికా, ఇరాన్ మధ్య చర్చలు జరపాలని, అప్పుడే శాంతి నెలకొంటుందని అభిప్రాయం వ్యక్తం చేశారు. ప్రస్తుతం అమెరికా, ఇరాన్ మధ్య ఉద్రిక్తతలు మరింత పెరుగుతూనే ఉన్నాయి.

ఈ పరిణామాలు ప్రపంచవ్యాప్తంగా ఆందోళన కలిగిస్తున్నాయి. ముఖ్యంగా చమురు సరఫరాలో కీలకమైన హోర్ముజ్ జలసంధి వద్ద పరిస్థితులు ఉద్రిక్తంగా మారడం వల్ల గ్లోబల్ ఆయిల్ మార్కెట్లపై ప్రభావం పడింది. భారత్‌కు రెండు దేశాలతోనూ సుహృద్భావ సంబంధాలు ఉండటం ఈ సందర్భంలో కీలకంగా మారింది. ప్రధాన మంత్రి నరేంద్ర మోదీ ఇప్పటికే ఇరాన్ నాయకత్వంతో సంప్రదింపులు జరిపినట్లు సమాచారం.

అలాగే విదేశాంగ మంత్రి ఎస్. జైశంకర్ కూడా పరిస్థితులపై స్పందిస్తూ శాంతియుత పరిష్కారానికి ప్రాధాన్యం ఇవ్వాలని పిలుపునిచ్చారు. భారత్ తటస్థ విదేశాంగ విధానం, అంతర్జాతీయ స్థాయిలో పెరుగుతున్న ప్రాధాన్యం కారణంగా ఈ సంక్షోభంలో మధ్యవర్తిత్వం చేయగల సామర్థ్యం ఉందని విశ్లేషకులు భావిస్తున్నారు. అయితే ఫిన్లాండ్ అధ్యక్షుడు చేసిన వ్యాఖ్యలు ఒక సూచన మాత్రమే, భారత్‌పై అధికారిక బాధ్యతగా కాకుండా, శాంతి ప్రయత్నాలకు దోహదం చేయగల దేశంగా గుర్తింపు ఇచ్చినట్లుగా భావించాలి.

Related posts

“వడ్డే” కన్నా యూత్ దొరకలేదా?

Satyam News

భార్యపై భర్త అమానుష దాడి

Satyam News

ఆగస్టు 15న 1.06 కోట్ల స్మార్ట్ రేషన్ కార్డుల పంపిణీ ప్రారంభం

Satyam News

విద్య వైద్యానికే అధిక ప్రాధాన్యత

Satyam News

తుమ్మిడిహెట్టి బ్యారేజ్‌పై త్వరలోనే మహారాష్ట్రతో చర్చలు

Satyam News

ఏరువాక పున్నమి సందర్భంగా తుమ్మల శుభాకాంక్షలు

Satyam News

Leave a Comment