కువైట్లో నెలకొన్న ప్రస్తుత పరిస్థితుల దృష్ట్యా భారత రాయబారి పరామితా త్రిపాఠి ఇక్కడి భారతీయ సమాజానికి కీలక సందేశాన్ని అందించారు. ప్రవాస భారతీయులందరూ క్షేమంగా ఉండాలని, స్థానిక నిబంధనలను గౌరవిస్తూ అప్రమత్తంగా ఉండాలని ఆమె కోరారు.
రాయబారి సందేశంలోని ముఖ్యాంశాలు:
ప్రస్తుత పరిణామాల నేపథ్యంలో భారతీయులు అనవసర ప్రయాణాలను వాయిదా వేసుకోవాలని, భద్రతా పరంగా అప్రమత్తంగా ఉండాలని సూచించారు.
అధికారిక సమాచారం: సోషల్ మీడియాలో వచ్చే వదంతులు, తప్పుడు వార్తలను నమ్మవద్దని.. కేవలం భారత రాయబార కార్యాలయం లేదా కువైట్ ప్రభుత్వం అందించే అధికారిక సమాచారాన్ని మాత్రమే అనుసరించాలని స్పష్టం చేశారు.
సహాయం కోసం సిద్ధం: అత్యవసర సమయాల్లో భారత రాయబార కార్యాలయం ఎల్లప్పుడూ అందుబాటులో ఉంటుందని, అవసరమైన వారు హెల్ప్లైన్ నంబర్ల ద్వారా సంప్రదించవచ్చని భరోసా ఇచ్చారు.
స్థానిక నిబంధనలు: కువైట్ అధికారులు జారీ చేసే భద్రతా మార్గదర్శకాలను ప్రతి ఒక్కరూ తప్పనిసరిగా పాటించాలని రాయబారి కోరారు.
భారతీయ సమాజ సంక్షేమం తమకు అత్యంత ముఖ్యమని, ఎటువంటి ఇబ్బందులు ఎదురైనా రాయబార కార్యాలయం అండగా ఉంటుందని పరామితా త్రిపాఠి తన సందేశంలో పునరుద్ఘాటించారు.
