జెన్-జెడ్ (Gen Z) నిరసనకారులపై బీజేపీ ఎంపీ, సినీ నటి కంగనా రనౌత్ మరోసారి తీవ్ర వ్యాఖ్యలు చేశారు. ఇటీవల రద్దయిన కాక్రోచ్ జనతా పార్టీ (CJP) ఆధ్వర్యంలోని నిరసనలో పాల్గొన్న యువతను లక్ష్యంగా చేసుకుని ఆమె విమర్శలు గుప్పించారు.
జెన్-జెడ్‌ను “జెనరేషన్ గట్టర్ (Generation Gutter)”గా అభివర్ణించిన కంగనా, “బాధ్యత లేకుండా స్వతంత్రంగా జీవించాలనుకునే తరం” అంటూ వ్యాఖ్యానించారు.
మహిళల గురించి కూడా వివాదాస్పద వ్యాఖ్యలు చేస్తూ, “తమను పాశ్చాత్యీకరణ పొందిన భారతీయ మహిళలుగా చెప్పుకునే ఈ యువతులు చదువులోనూ రాణించలేరు. అలాగే గృహిణులుగా కూడా ఉండలేరు” అని అన్నారు. అంతేకాకుండా, “మాదకద్రవ్యాల వినియోగం, మద్యం సేవించడం లేదా అనేక సంబంధాలను తమ స్వేచ్ఛగా గొప్పగా చెప్పుకుంటున్నారు” అంటూ కంగనా విమర్శించారు.
ఈ వ్యాఖ్యలు సామాజిక మాధ్యమాల్లో తీవ్ర చర్చకు దారితీశాయి. కొందరు ఆమె వ్యాఖ్యలకు మద్దతు తెలుపుతుండగా, మరికొందరు తీవ్రంగా వ్యతిరేకిస్తూ మహిళలు, యువతపై అవమానకర వ్యాఖ్యలు చేశారని విమర్శిస్తున్నారు.
