గుజరాత్లోని రాజ్కోట్ నగరంలో వేసవి సెలవుల విహారయాత్రను ఆస్వాదిస్తున్న ప్రజలతో నిండిన గేమ్ జోన్లో భారీ అగ్నిప్రమాదం సంభవించడంతో పిల్లలతో సహా కనీసం 22 మంది మరణించినట్లు అధికారులు తెలిపారు. శనివారం సాయంత్రం 4:30 గంటలకు గేమింగ్ కార్యకలాపాల కోసం నిర్మించిన ఫైబర్ డోమ్లో మంటలు చెలరేగాయి. అగ్నిప్రమాదం కారణంగా గేమ్ జోన్ నిర్మాణం కూలిపోయిందని అధికారులు తెలిపారు. .“ఇప్పటివరకు అగ్ని ప్రమాదంలో 22 మంది మరణించినట్లు అధికారులు ధృవీకరించారు. మృతదేహాలు పూర్తిగా కాలిపోయాయి. వాటిని గుర్తించడం కష్టం అని అసిస్టెంట్ కమిషనర్ ఆఫ్ పోలీస్ (ACP) వినాయక్ పటేల్ తెలిపారు.
ప్రత్యక్ష సాక్షుల ప్రకారం, నానా-మావా రోడ్లో ఉన్న గేమ్ జోన్లో పిల్లలతో సహా చాలా మంది ఆటలు ఆడుతుండగా, ఈ విషాదం జరిగింది. రాజ్కోట్ కలెక్టర్ ప్రభావ్ జోషి మాట్లాడుతూ గేమ్ జోన్లో మంటలు చెలరేగడం గురించి ఫైర్ కంట్రోల్ రూమ్కు సాయంత్రం 4:30 గంటలకు కాల్ వచ్చింది. “అగ్నిమాపక యంత్రాలు అంబులెన్స్లు మంటలను ఆర్పడానికి సంఘటనా స్థలానికి చేరుకున్నాయి. మంటల కారణంగా నిర్మాణం కూలిపోయింది మరియు శిధిలాలను తొలగిస్తున్నారు ”అని జోషి తెలిపారు.
అయితే, భారీ అగ్నిప్రమాదానికి ఖచ్చితమైన కారణం తెలియరాలేదు. రాష్ట్ర ప్రభుత్వం ప్రత్యేక దర్యాప్తు బృందానికి (సిట్) దర్యాప్తును అప్పగించింది. అగ్నిప్రమాదంలో ప్రాణనష్టం జరిగినందుకు ప్రధాని నరేంద్ర మోదీ సంతాపం వ్యక్తం చేశారు. బాధితులకు అన్ని విధాలా సహాయాన్ని అందించేందుకు స్థానిక యంత్రాంగం కృషి చేస్తుందన్నారు.
గుజరాత్ ముఖ్యమంత్రి భూపేంద్ర పటేల్తో మోదీ మాట్లాడి సహాయ, సహాయక చర్యలపై ఆరా తీశారు.
మృతుల కుటుంబాలకు రూ.4 లక్షలు, గాయపడిన వారికి రూ.50,000 చొప్పున ఎక్స్గ్రేషియాను ముఖ్యమంత్రి భూపేన్ పటేల్ ప్రకటించారు. ఈ ఘటనపై విచారణకు ఆయన ప్రత్యేక దర్యాప్తు బృందాన్ని (సిట్) కూడా ఏర్పాటు చేశారు.
మంటలు చెలరేగిన తరువాత, రాజ్కోట్ పోలీస్ కమిషనర్ రాజు భార్గవ్ మీడియా ప్రతినిధులతో మాట్లాడుతూ, మంటలకు గల కారణాలను దర్యాప్తు చేస్తామని, కార్యకలాపాలను మూసివేయమని నగరంలోని అన్ని గేమింగ్ జోన్లకు సందేశం జారీ చేసినట్లు చెప్పారు.
“రాజ్కోట్లో జరిగిన అగ్ని ప్రమాదం హృదయాన్ని కలచివేస్తోంది. ఈ ఘటనలో ప్రాణాలు కోల్పోయిన వ్యక్తులకు, వారి కుటుంబాలకు నా ప్రగాఢ సానుభూతిని తెలియజేస్తున్నాను. గాయపడిన వారు త్వరగా కోలుకోవాలని దేవుడిని ప్రార్థిస్తున్నాను’ అని సీఎం పటేల్ ట్వీట్ చేశారు. ఎలాంటి నిర్లక్ష్యాన్ని సహించేది లేదని, మొత్తం ఘటనపై దర్యాప్తును ప్రత్యేక దర్యాప్తు బృందానికి (సిట్) అప్పగించామని పటేల్ తెలిపారు.