ఆరాట పడుతూ కూర్చుంటే ఒరిగేదేమీ లేదు
ఉద్యమంతో అడుగులు కలిపి పోరాటం చెయ్
లేదంటే కనీసం వ్యతిరేకతను వ్యక్తం చెయ్
నాకెందుకులే అని నీవనుకుంటే…
ఎక్కడి గొంగలిఅక్కడే అన్నట్లు
ఏ ఎదుగుబొదుగు నీకుండదులే…!
తలకుమించిన పనులు
తలకుమాసిన పనులను సైతం
బరువు అనుకోకుండా బాధ్యతగా నిర్వర్తిస్తుంటే
కర్రీలో కరివేపాకులా తీసిపారేస్తుంటే..!
నిమ్మకు నీరెత్తినట్లు మిన్నకుండి పోతావా…!
నేను సైతం అంటూ ఉద్యమంలో పాల్గొంటావా..!
ఇంట్లో కూర్చుని చోద్యం చూస్తావా ..!
ఆలోచనా నీదే, ఆచరణా నీదే..
నిర్ణయం నీదే….సాధించబోయే విజయం కూడా నీదే..!
దేవలపల్లి సునంద, రంగారెడ్డి జిల్లా, 8297744716
