రావనే అనుకున్నా
నాతో నీకు పొసగదనే అనుకున్నా
చొచ్చుకొచ్చేశావ్ కొంగ్రొత్త బ్రాండ్ లా
చుట్టేసావ్ అంతటా వైఫైలా
అంటిపెట్టుకున్నావ్ మొబైల్ ఫోనులా
దేనికైనా నేనున్నానంటావ్ గూగుల్ లా
విడదీయరాని బంధమే అయ్యావు వాట్సాప్ లా
నిండిపోతోంది మది నీతో
అనుక్షణం ప్రతీది పంచుకునే ఫేస్ బుక్ లా
ఉండిపోయావు హృదయంలో చిత్రంగా
ఎప్పుడూ మొబైల్ ని అంటిపెట్టుకునే
వాల్ పేపర్ లా
పలకరిస్తూనే ఉంటావు ఇన్ కమింగ్ కాల్ లా
ఊసుపోనివ్వకుండా చేస్తావు
మోగే రింగ్ టోన్ లా
కోపమొస్తే ముడుచుకుంటావు
మిస్డ్ కాల్ లా
ప్రేమంటే భావన కాదు
బాధ్యత సుమా
పట్టనట్టుగా ఉండిపోకు
ఔటర్ కవరేజ్ నెట్ వర్కు లా
ప్రేమంటే వెన్నుతట్టి ప్రోత్సహించే
ప్రోత్సాహమే
ఆఫర్లు ఇచ్చే నెట్ వర్కు లా
ప్రేమంటే ఒక రక్షక కవచం మొబైల్ కవర్ లా
ప్రేమంటే ఒక భరోసా యూ ట్యూబ్ లా
నాకే ప్రత్యేకమైన నా మెయిల్ ఐడి లా
ఒకరి కోసం ఒకరన్నట్టుగా
ఎప్పుడు అందుబాటులో ఉండే మొబైల్ డేటా లా
డౌన్లోడ్ ఐపోయావ్ గూగుల్ ప్లేలో ఆప్ లా
( వాలంటైన్స్ డే సందర్బంగా )
మంజుల సూర్య, హైదరాబాద్
1 comment
మీ రచనాశైలి హృదయానికి హత్తుకునేలా ఉంది.