పాములపర్తి పొందిన కీర్తి
భరతజాతి దీప్తి భావితరం స్ఫూర్తి
విద్యారంగములో మునిగితేలినాడు
రాజకీయరంగములో రాటుతేలినాడు
బహుభాషాకోవిదుడు రాజకీయవిశారదుడు
ప్రధానమంత్రి పదవికే ప్రశంస తెచ్చినాడు
ప్రపంచ పోకడలను పరిశీలన చేసినాడు
ప్రజల సేవ కొరకు సంస్కరణలు తెచ్చినాడు
క్లిష్టమైన స్థితిలో విశిష్ట సేవలంచించినాడు
ప్రధాన మంత్రి పదవిలో అపరచాణక్యుడు
చదివి చదివి ఎదిగినాడు పాములపర్తి
ఎదుగుతూనే ఒదిగినాడు పాములపర్తి
ప్రజల మనసు గెలిచినాడు పాములపర్తి
ప్రధానమంత్రు లందరికీ అతడే స్ఫూర్తి
తెలుగుజాతి జ్యోతిరా పి.వీ
తెలుగుజాతి ఖ్యాతిరా పి.వీ
తెలుగు రాచఠీవిరా పి.వీ
తెలుగుతల్లి కెప్పుడు సదా చిరంజీవి
జనశ్రీ జనార్ధన్ కుడికాల, హన్మకొండ, వరంగల్ అర్బన్, చరవాణి: 9703275050