అభివృద్ధి విధాత

లక్నేపల్లి లో మొలచి వంగర లో వెలసి

పాములపర్తి గా ఎగిసి ప్రఖ్యాతిని నెరిసి

మంథనిలో నిలిచి దేశాన గెలిచి

లౌక్యరాశి గా మెలగి జ్ఞాన జ్యోతియై వెలిగే

వందేమాతరం అంటూ జాతీయతను కోరి

హైదరాబాద్ విముక్తి కై ప్రాంతీయతను చాటి

పరాయి పాలనను నిరసించి

స్వపరిపాలన కొరకై పరితపించి

న్యాయ విద్యను చదివి జర్నలిస్టుగా మారి

కాకతీయ  అనేటి పత్రికను  స్థాపించి

విజయ పేరుతో కలాన్ని ఝలిపించి

ఆత్మగౌరవ పోరాటాన్ని నిలిపి నాడు.

భువనము పై వెలసిన భూవిరాళ దాత

భూసంస్కరణల స్పూర్తి ప్రదాత

ఊహకందని ఆర్థిక సంస్కరణల ప్రధాత

అవధి కందని అభివృద్ధి విధాత

ప్రతికూల పరిస్థితులకు అనుకూలుడు

సంకీర్ణ ప్రభుత్వానికి ధీశాలుడు

పంచవర్ష దిగ్విజయ ప్రధాని

పరిపాలనాదక్షతలో చుక్కాని

దక్షిణాది తొలి దేశ ప్రధాని

నిరాడంబర జీవితానికి ఆదర్శ జీవి

అపర చాణక్య అభ్యుదయ మేధావి

బహు భాష కోవిద అసాధారణ భావ ధ్వని

మాతృభాష మమకారపు మౌనముని

పరభాష అనువాద సాహిత్యపు జ్ఞానఖని

సహస్ర పణ్ తో సాహిత్య శిఖర మై

సాహిత్య అకాడమీ పురస్కారం తో మెరిసి

తన ఆంతర్యానికి అక్షరరూపం ఇచ్చి

లోపలి మనిషి గా లోకాన వెలిసినాడు

-మాచిడి సంతోష్ గౌడ్, మంథని, చరవాణి: 9948351138