అన్నమయ్య జిల్లా నందలూరు శ్రీ సౌమ్యనాథ స్వామివారి వార్షిక బ్రహ్మోత్సవాలు జూన్ 28 నుండి జూలై 6వ తేదీ వరకు వైభవంగా జరుగనున్నాయి. బ్రహ్మోత్సవాలకు జూన్ 27వ తేదీ అంకురార్పణ నిర్వహిస్తారు.
జూన్ 28న ఉదయం 9 నుండి 10 గంటల వరకు సింహ లగ్నంలో ధ్వజారోహణంతో బ్రహ్మోత్సవాలు ప్రారంభమవుతాయి. బ్రహ్మోత్సవాల్లో ప్రతిరోజు ఉదయం 8 గంటలకు, రాత్రి 7 గంటలకు వాహనసేవలు జరుగుతాయి.
వాహనసేవల వివరాలు
28-06-2023 ఉదయం – ధ్వజారోహణం రాత్రి – యాలి వాహనం
29-06-2023 ఉదయం – పల్లకీ సేవ రాత్రి – హంస వాహనం
30-06-2023 ఉదయం – పల్లకీ సేవ రాత్రి – సింహ వాహనం
01-07-2023 ఉదయం – పల్లకీ సేవ రాత్రి – హనుమంత వాహనం
02-07-2023 ఉదయం – శేష వాహనం రాత్రి – గరుడ వాహనం
03-07-2023 ఉదయం – సూర్యప్రభ వాహనం రాత్రి – చంద్రప్రభ వాహనం
04-07-2023 ఉదయం – ఆర్జిత కల్యాణోత్సవం (ఉదయం 10 గంటలకు) రాత్రి – గజ వాహనం
05-07-2023 ఉదయం – రథోత్సవం (ఉదయం 9 గంటలకు) రాత్రి – అశ్వవాహనం
06-07-2023 ఉదయం – చక్రస్నానం రాత్రి – ధ్వజావరోహణం
జూలై 4వ తేదీ ఉదయం 10 గంటలకు ఆర్జిత కల్యాణోత్సవం జరుగనుంది. గృహస్తులు(ఇద్దరు) రూ.500/- చెల్లించి ఈ కల్యాణోత్సవంలో పాల్గొనవచ్చు. గృహస్తులకు ఒక ఉత్తరీయం, ఒక రవికె, అన్నప్రసాదాలు బహుమానంగా అందజేస్తారు. జూలై 7న సాయంత్రం 6 గంటలకు పుష్పయాగం నిర్వహించనున్నారు.
ఈ సందర్భంగా టీటీడీ హిందూ ధర్మప్రచార పరిషత్‌, అన్నమాచార్య ప్రాజెక్ట్, దాససాహిత్య ప్రాజెక్టుల ఆధ్వర్యంలో ప్రతిరోజూ ఆధ్యాత్మిక, భక్తి సంగీత, సాంస్కృతిక కార్యక్రమాలు నిర్వహించనున్నారు.
