చంద్రయాన్ 3 రాకెట్ ప్రయోగానికి సంబంధించి హైదరాబాద్ కీలక పాత్ర పోషించింది. శ్రీహరి కోట నుంచి రాకెట్ ప్రయోగం చేయగా చంద్రయాన్-3 రాకెట్ తయారీకి కావల్సిన విడిభాగాలు హైదరాబాద్ లోని నాగసాయి ప్రెసెసియన్ ఇంజినీర్స్ ప్రైవేట్‌ లిమిటెడ్‌ కంపెనీ తయారు చేసింది.
రోవర్, ల్యాండర్, ప్రొపల్షన్ మాడ్యుల్స్‌లో బ్యాటరీలు ఏర్పాటు చేసుకునే విడి భాగాలను హైదరాబాద్ కూకట్ పల్లిలో తయారు చేశారు. ప్రశాంత్ నగర్‌లోని ఈ కంపెనీ యజమాని డీఎన్‌ రెడ్డి 1998 నుంచి ఇస్రో ప్రయోగించిన 50 శాటిలైట్లకు పలు విడి భాగాలు అందించారు. ఇప్పుడు కూడా చంద్రయాన్ 3 కోసం పలు స్పేర్ పార్ట్స్‌ని తయారు చేసి అందించారు.
ఆంధ్రప్రదేశ్‌లోని శ్రీహరికోటలో ఉన్న సతీష్ ధావన్ స్పేస్ సెంటర్ (SDSC). ఈ స్టేషన్ నుంచి చంద్రయాన్-3ని ప్రయోగించింది. చంద్రునిపై అంతరిక్ష కేంద్రం లేదా అంతరిక్ష నౌక లాంచర్ లేదు. వ్యోమనౌకను ప్రయోగించడానికి ముందుగా దానిని రాకెట్‌తో అసెంబుల్ చేసి, తర్వాత లాంచింగ్ ప్యాడ్ నుంచి ప్రయోగిస్తారు.
రెండు, నాలుగు లేదా పది-ఇరవై కాదు. మొత్తం బృందాలు ఇందులో పని చేస్తాయి. భూమి గురుత్వాకర్షణ క్షేత్రాన్ని దాటినప్పుడే ఏదైనా ఉపగ్రహం భూమి నుంచి అంతరిక్షానికి వెళ్లగలదు. సైన్స్ నియమాల ప్రకారం, ఏదైనా వస్తువు దాని కనీస వేగం సెకనుకు 11.2 కిలోమీటర్లు ఉన్నప్పుడే భూమి గురుత్వాకర్షణను అధిగమించగలదు. అందుకే అంతరిక్ష నౌకను లాంచ్ ప్యాడ్ నుంచి ప్రయోగిస్తారు. తద్వారా అది భూకక్ష్య నుంచి విజయవంతంగా నిష్క్రమించి అంతరిక్షంలోకి ప్రవేశిస్తుంది.
