రాజకుటుంబంలో జీవించడం తనకు, తన భార్య మేఘన్ మార్కెల్‌కు ఎంత కష్టంగా ఉండేదో ప్రిన్స్ హ్యారీ వెల్లడించడం ఇప్పుడు ప్రపంచ వ్యాప్తంగా సంచలనం కలిగిస్తున్నది. ప్రిన్స్ హ్యారీ రచించిన ‘స్పేర్’ పుస్తకం జనవరి 10న విడుదల కానున్నది. అయితే ఈ పుస్తకాన్ని స్పానిష్ భాషలోకి తర్జుమా చేయగా ఆ పుస్తకం ఒక రోజు ముందే మార్కెట్ లోకి విడుదల కావడంతో ఒక్క సారిగా జనం ఆ పుస్తకం కొనేందుకు ఎగబడ్డారు.
ప్రిన్స్ హారీ తన భార్యతో సహా 2020 ప్రారంభంలో రాజ కుటుంబం నుండి వైదొలిగారు. ప్రిన్స్ హ్యారీ, మేఘన్ మార్క్లే మే 19, 2018న వివాహం చేసుకున్నారు. వారికి ఇద్దరు పిల్లలు – ఆర్చీ, లిలిబెట్. జనవరి 2020లో, ఈ జంట బయటకు వచ్చి USలోని కాలిఫోర్నియాలో స్థిరపడ్డారు. ప్రిన్స్ హ్యారీ తన పుస్తకంలో తన సోదరుడి కొకైన్ వ్యసనంతో అతని పోరాటం గురించి కూడా రాశాడట.
మేఘన్ మార్క్లేతో వివాహం కారణంగా వారి సంబంధంలో ఉద్రిక్తతల మధ్య 2019 లో జరిగిన వాదనలో అతని అన్నయ్య ప్రిన్స్ విలియం తనపై దాడి చేశాడని ప్రిన్స్ హ్యారీ తన పుస్తకంలో పేర్కొన్నాడు. హ్యారీ 2019లో కెన్సింగ్‌టన్ ప్యాలెస్ సమీపంలోని నాటింగ్‌హామ్ కాటేజ్‌లోని వారి ఇంటిలో జరిగిన ఘర్షణ గురించి వివరంగా రాశాడు. 38 ఏళ్ల డ్యూక్ ఆఫ్ సస్సెక్స్ తాలిబాన్‌తో జరిగిన పోరాటంలో రెండు రౌండ్లు పనిచేశాడు.
అతను మొదట 2007-2008లో ఆఫ్ఘనిస్తాన్‌కు ఫార్వర్డ్ ఎయిర్ కంట్రోలర్‌గా, 2012-2013లో అటాక్ హెలికాప్టర్ పైలట్‌గా నియమించబడ్డాడు. ప్రిన్స్ హ్యారీ ఆఫ్ఘనిస్తాన్‌లో చేసిన పోరాటంలో 25 మందిని చంపినట్లు చెప్పారు. ప్రిన్స్ హ్యారీ ఆఫ్ఘనిస్తాన్‌లో అపాచీ హెలికాప్టర్ పైలట్‌గా విధులు నిర్వహిస్తున్న సమయంలో 25 మందిని హతమార్చాడు. ప్రిన్స్ హ్యారీ పుస్తకం, స్పేర్, మరిన్ని అంశాలను కూడా బయటకు తెస్తుంది.
