ఆదిపురుష్ మూవీ టీమ్ పై ఛత్తీస్‌గఢ్ సీఎం భూపేష్ బఘేల్ తీవ్ర విమర్శలు చేశారు. ఆదిపురుష్ టీమ్ మొదట రాముడు, హనుమంతుల చిత్రాలను వక్రీకంరించారని, ఇప్పుడు సినిమా ద్వారా వారి మాటలను కూడా మార్చారని అన్నారు.
వారి చేత అసభ్యకరమైన మాటలను పలికించారని సీఎం మండిపడ్డారు. బజరంగ్ దళ్ మాట్లాడే మాటలను బజరంగి బలిచేత చెప్పించారని ఆరోపించారు. ఆదిపురుష్ టీమ్ ఈ రకంగా రాముడు, హనుమంతుడిని అవమానించారని, దాన్ని తాను తీవ్రంగా ఖండిస్తున్నట్లు సీఎం తెలిపారు. తక్షణమే మూవీలోని అసభ్యకరమైన డైలాగులను తొలగించాలని ఆయన డిమాండ్ చేశారు.
