పంద్రాగస్టు

విషపురుగుల స్వైరవిహారంలో

సైద్ధాంతిక ధరణీచక్రం

తిరుగుతోంది అగమ్యగోచరంగా

నవచేతన పతాకానికి

సాలెగూడులా చుట్టుకుంటున్నారు

దుష్టశక్తుల రాజకీయ నాయకులు

ప్రగతిపదం జగతి సిగన

కాంతిపూలు పూయంగా

పుడమి తల్లి నెన్నెదుట

విజయతిలకం దిద్దంగా

కదిలిరండి! కదిలిరండి!

దిగ్విజయంగా గగన తలంపై

వీర విహారం చేస్తున్న

చంద్రయాన్ -3

మన సైంటిస్టుల ఘనచరితకు

జోహార్ జోహార్

ఎగురుతున్న పతాకమా

మృగ్యమవుతున్న జీవితానికి

వెలుగుదారి చూపించు

పంద్రాగస్టు పర్వదినం

సంబరంగ జరిగేలా

క్రొంగొత్త దారులు చూపుతూ

నీ రాకతోనైనా

ఈ విశ్వం పునీతం కావాలని

కొరుప్రోలు హరనాథ్, 9703542598