ఆశ్చర్యకరంగా డిసెంబరు నెలలో ఇప్పటి వరకు ఢిల్లీలో చలి తీవ్రత లేదు. చలికాలం లో మాదిరి కాకుండా పగటి వేడి సాధారణంగానే ఉండటం ఆశ్చర్యం కలిగిస్తున్నది. సాధారణంగా డిసెంబర్ 12 నుంచి డిసెంబర్ 16 మధ్య గరిష్టంగా 23.2 డిగ్రీలు నమోదవుతుంది. అయితే ఈసారి మూడు నుంచి నాలుగు డిగ్రీలు అధికంగా నమోదవుతోంది. గరిష్ట ఉష్ణోగ్రత 27 డిగ్రీల కంటే ఎక్కువగా ఉంది. ఆదివారం గరిష్ట ఉష్ణోగ్రత 28.4 డిగ్రీల సెల్సియస్, కనిష్ట ఉష్ణోగ్రత 8.8 డిగ్రీల సెల్సియస్ వద్ద సాధారణం కంటే నాలుగు పాయింట్లు నమోదైంది.
కాగా సోమవారం గరిష్ట ఉష్ణోగ్రత 27.1 డిగ్రీల సెల్సియస్, కనిష్ట ఉష్ణోగ్రత 8.4 డిగ్రీల సెల్సియస్‌గా నమోదైంది. వాతావరణ శాఖ ప్రకారం మంగళవారం నుండి మంచుతో కూడిన గాలి తీవ్రతరం కావడంతో, ఉష్ణోగ్రత వేగంగా పడిపోతుంది. పర్వతాలలో వెస్ట్రన్ డిస్ట్రబెన్స్ ప్రభావం తగ్గడం వల్ల కూడా ఈ క్షీణత నమోదవుతుంది. మంగళవారం నుంచి 26 డిగ్రీలు, ఎనిమిది డిగ్రీల వరకు ఉష్ణోగ్రతలు నమోదయ్యే అవకాశం ఉంది. శుక్రవారం నాటికి గరిష్ట ఉష్ణోగ్రత 24 డిగ్రీలకు, కనిష్ట ఉష్ణోగ్రత 06 డిగ్రీలకు చేరుకుంటుంది. నిజానికి ఇంకా పొగమంచు లేదు. అందుకే సూర్యరశ్మి భూమిని చేరుతోంది. అయితే ఈ వారం నుంచి పొగమంచు కురిసే అవకాశం కూడా ఉంది.
