ఉద్యోగం చేసే ఒక మహిళ గర్భవతి కావడం తప్పా? కచ్చితంగా తప్పే అని చెప్పాడు ఒక సంస్థ యజమాని. అలా చెప్పిన యజమాని ఆ తర్వాత పరిహారం చెల్లించాల్సి వచ్చింది. షార్లెట్ లీచ్ అనే 34 మహిళ అమెరికాలోని CIS సర్వీసెస్లో అడ్మినిస్ట్రేటివ్ అసిస్టెంట్గా పని చేస్తుండేది. ఆమెకు చాలా సార్లు గర్భస్రావం జరిగింది. ఈ విషయం ఆమె పని చేసే సంస్థలో మేనేజర్ కు కూడా తెలుసు.
చివరకు ఒక సారి లీచ్ మళ్లీ గర్భవతి అయింది. ఈ సారి గర్భస్రావం జరగలేదు. దాంతో ఆనందంగా ఆమె వెళ్లి మేనేజర్ ను సెలవు అడిగింది. ఇన్ని సార్లు గర్భస్రావం జరిగింది…ఇప్పుడు గర్భవతి అయిందని ఆ మేనేజర్ సానుభూతి కూడా చూపకుండా ఆమెను ఉద్యోగం నుంచి తొలగించాడు.
లీచ్ ఎలాంటి ప్రసూతి సెలవులకు అర్హురాలు కాదని ఆమె బాస్ పేర్కొన్నారు. ఎందుకంటే ఆమె తన కొత్త ఉద్యోగ ఒప్పందంపై ఇంకా సంతకం చేయలేదని చెప్పారు. ఉద్యోగం నుంచి తీసేశారు. ఆ ఆందోళనతో లీచ్ కి మళ్లీ గర్భస్రావం జరిగిపోయింది. దాంతో ఆమె ఉపాధి ట్రిబ్యునల్ ను ఆశ్రయించారు. మొత్తం కేసు పరిశీలించిన తర్వాత ఉపాధి ట్రిబ్యునల్ ఆమెకు £14,885 (రూ. 14,86,856) పరిహారంగా ఇచ్చింది.